Sopelanako Jaiak

Aurtengoan ere, sopeloztar guztiak alaitzeko asmoarekin, herriko jaien berri ematera gatoz. San Juan Gaua, San Pedro, Karmen, Santa Marina, Udako Musika Zikloa, Nazioarteko Dantza Jaialdia eta Euskal Jaia izango ditugu aurtengoan beste batzuen artean.

Beti egin izan den bezala, antolatutako ekintza eta ikuskizun guztiak, ahalik eta ikuslego zabalenera heltzeko asmoarekin antolaturik daude, bai ume, gazte, heldu zein nagusientzat.

Jaiak, ahal den neurrian behintzat, modu zoriontsu eta osasuntsuan ospatzea eskatzen dizuegu, beti ere ingurukoak eta herriko inguru eta bazterrak ahal den neurrian errespetatu eta zainduz, guztiok erabili eta gozatu beharreko baliabideak direlako.

GORA SOPELANA ETA BERE JAIAK!!!!